Goude penn-kentañ ur bloavezh un tamm bennak fourgaset, ur wech adarre, gant trovor an enkadenn yec’hedel, ez eomp etrezek an nevezamzer-se gant ar spi… met ivez, hag adarre, en ur ziwall.
Gwevnaat an diarbennoù a vez o sterniañ hor buhez bemdez e lez da zamwelout gwelladenn hon obererezhioù micherel, kevredigezhel, kement ha personnel.
Eveldoc’h, hon eus c’hoant e adtapfe ar vuhez ur red reizh. C’hoant hon eus, ken ha biskoazh, da welet dont en-dro, en hon deiziataer, darvoudoù bet paouezet abaoe tost daou vloaz.
Chomomp ‘ta bremañ gant un nerzh surentez evit ma c’hallfemp-holl, a-benn ar fin, kemer perzh en emgavioù festus-se, giz kozh e Sant-Loup.
Niverus omp da rannañ ar memes c’hoant da plantañ buhez en hor c’humun, da labourat assembles evit lakaat anezhi plijusoc’h, bevoc’h ha sederoc’h. Ar brouenn eo hon devezhioù ekokeodedel. ‘Michañs e vioc’h niverus da gemer perzh d’hor 9vet dalc’h, d’an 21 a viz Mae.
A-drugarez d’ar galite buhez-se, e dalc’h Sant-Loup da dedennañ tiegezhioù nevez, c’hoant gante da staliañ enni. Diskouez a ra an niveradeg, bet kaset da benn e-pad ar goañv-mañ, ur gresk kaer eus hor poblañs.
Bevañ a ra ar geriadenn hag he startijenn a zo ivez a-drugarez deoc’h, annezidi kozh ha nevez.
Dont a ray war wel meur a raktres er bloaz-mañ hag, evit darn, emichañs, prestik-tre.
Echu eo bremañ preder kempenn ar bourk ha renkadet ar chanterioù. En em ginnig a ra deomp ur skleurenn spi evit adlañsañ ar Gerganer.
Klaoustre e kemero buhez pep raktres-se evit mad an holl hag int hag unaniñ ac’hanomp en-dro d’an ivoull hep defot hag a zalc’homp evit hor c’heriadenn.
Emgavioù votiñ a vo a-benn un nebeut sizhunioù : dilennadegoù prezidentel ha kannadel da heul. Roomp hon ali : votomp !
Emichañs e verko lennadenn ar gazetenn nevez-mañ un nevezamzer gant pozitivelezh ha spi ur bloavezh nevez bet adkavet e frankiz.
Dalc’hit da soursial ouzoc’h hag ouzh ho kerent nes ha da ziwall bepred !
Michelle Menguy, eilmaer eilvet
